A historia local co seu coñecemento polo miúdo do territorio, das relacións sociais e das personaxes protagonistas ten, entre outras, a virtude de enriquecer as visións máis xerais, humanizándoas e, decote, situándoas nunha engaiolante clave heterodoxa.
De todas estas caracterÃsticas participa O mar e a memoria. O Expediente Armesto, en que se fai referencia á documentación enviada entre 1937 e 1938 ao gobernador civil da Coruña polo tenente da Garda Civil José Armesto Anta, destinado "ex profeso" á vila mariñeira de Malpica para investigar o clima refractario alà existente verbo do novo réxime xurdido pola forza das armas, tras o golpe militar do 17 de xullo de 1936.
Os devanditos informes serviron de fÃo condutor para que, utilizando abundantes fontes arquivÃsticas, hemerográficas e bibliográficas, o autor constrúa unha historia de desafección e sometemento nunha localidade que vivira afervoadamente a experiencia republicana, tempo en que por primeira vez os poderes públicos tiveron en conta nas súas decisións a maiorÃa social da vila representada polos mariñeiros.
En realidade, o acontecido en Malpica, repÃtese en boa medida na maiorÃa de vilas do litoral galego, en que as simpatÃas polo réxime democrático xurdido o 14 de abril de 1931 eran amplamente maioritarias e nas que as liñas de forza que determinaron o devalar polÃtico-social das súas respectivas comunidades piscatorias até o remate da Guerra Civil, son dabondo compartidas.
